ازيكم يا احلى بنوتات / شباب / فى المنتدى موضوعى النهارده مهم ليا بجد فا ياريت اعرف رأى كل حد يقرأ الموضوع سواء زائر او عضو ومش هرغى كتير انا هدخل فى الموضوع على طول ..لكل واحد فينا انسان غالى عليه ممكن يكون اغلى من نفسه سواء كان اخ او صديق او حبيب او زوج او اى حد اياً كان لقبه ايه فى حياتنا طيب هتعمل ايه بقا لو الشخص ده بقا مهمش فى حياتك ولا بيسأل عليك ولا مهتم بيك زى ما كان فى الاول ولا بيبادلك نفس شعورك يسال عن الكل وانت لاء , يضحك مع الكل ولو شافك انت بيسكت وتحس انه اضايق , بيناقش الكل وان كلمته انت يناقشك ببرود وجمود واحياناً عصبيه وانت عارف انك معملتش اى حاجه تزعله منك ولما تيجى تسأله مالك يرد يقول : ولا حاجه مفيش .. انت بتهيقلك .. دى تخيلات ـــــــــــــ ( اومال فى ايه ! )طبعا اكيد مرينا بمواقف زى دى فى حياتنا وتعبنا كتير من الاحساس ده سؤالى للجميع / هتتصرف ازاى ! وايه ردة فعلك ! وايه هيكون او كان شعورك لو حصل معاك كده ؟